མི་ལ་སྐྱོན་འདོགས་མཁན་གྱི་དོན་དག་ལ།
༡ ༼དེ་ནས་གཉིས་པར་(ཡོད་པར་)ཡེ་ཤུས་སྨྲ་ཟིན།༽ མི་ལ་སྐྱོན་མ་འདོགས། འདོགས་ན་ཨལ་ལོ་ཧིམ་གྱིས་ཀྱང་ཁྱེད་ལ་སྐྱོན་འདོགས་ཅེས་ཡོད། ༢ ཅི་ལས་སྨྲ་ན། ག་འདྲ་བྱས་ཏེ་ཁྱེད་ཀྱིས་མི་ལ་སྐྱོན་འདོགས་མཁན། འོ་ཅོག་འདྲ་བྱས་ཏེ་ཨལ་ལོ་ཧིམ་གྱིས་ཁྱེད་ལ་སྐྱོན་འདོགས་ཅེས་ཡོད། ག་འདྲ་བྱས་ཏེ་ཁྱེད་ཀྱིས་མི་ལ་ཚད་རྒྱབ་མཁན་འོ་འདྲ་བྱས་ཏེ་ཨལ་ལོ་ཧིམ་གྱིས་ཁྱེད་ལ་ཚད་རྒྱབ་ཅེས་ཡོད།།
༣ གཉིས་པར། རང་གི་སྤུན་གྱི་མིག་ལ་ཤིང་ཟེལ་(ཤིང་གི་དུམ་པོའི་ཉོ་ཉོ་)ཞུགས་པ་མཐོང་མཁན། རང་གི་མིག་ལ་ཤིང་དུམ་(ཤིང་གི་དུམ་པོ་)ཞུགས་པ་དེ་མི་མཐོང་མཁན། ཅི་ལས། ༤ ཁྱོད་རང་གི་མིག་ལ་ཞུགས་པའི་ཤིང་དུམ་མ་མཐོང་སྟེ་འགབ་ལས་ནི་ཁྱོད་ཀྱི་སྤུན་ལ། ག་རེ། ག་རེ། ངས་ཁྱོད་ཀྱི་མིག་ལ་ཞུགས་པའི་ཤིང་ཟེལ་འདོན་མཁན། སྨྲས་ཏེ་ག་འདྲ་བྱས་ཏེ་སྨྲ་ཁུག་ཅེས། ༥ ཨེ་ཡིན་མདོག་སྟོན་མཁན་ཡ། གདོང་ལ་རང་གི་མིག་ལ་ཞུགས་པའི་ཤིང་དུམ་འདོན་དོང་། དེ་ནས་(ག་)ཁྱོད་ཀྱི་སྤུན་གྱི་མིག་ལ་ཞུགས་པའི་ཤིང་ཟེལ་བཏོན་སྟེར་ཅེས་ལ་གསལ་པོར་མཐོང་མཁན།།
༦ རྣམ་པར་དག་པའི་བྱད་ལག་ཡ་ཁྱི་ཡ་ལ་(ཁྱི་པོ་ཡ་ལ་)མ་སྟེར། རང་གི་མུ་ཏིག་ཡ་ཕག་ཡ་གི་མདུན་ལ་མ་སྐྱུར། (མ་དབྱུག) གཞན་ཁོང་རང་གི་རྐང་པས་འོ་བྱད་ལག་ཡ་ལ་མནན་ཅེས་ཡོད། དེ་ནས་རྒྱབ་ལོག་སྟེ་ཁྱེད་ཀྱི་ཐོག་ལ་འཛོམ་འོང་ཅེས་ཡོད། སྨྲས་ཏེ་ཡེ་ཤུས་སྨྲ་ཟིན།།
ཨལ་ལོ་ཧིམ་ལ་གསོལ་བ་འདེབས་མཁན་གྱི་དོན་དག་ལ།
༧ ༼དེ་ནས་གཉིས་པར་ཡེ་ཤུས་སྨྲ་ཟིན།༽ སློང་དོང་། ཁྱེད་ལ་འབྱོར་ཅེས་ཡོད། འཚོལ་དོང་། ཁྱེད་ཀྱིས་མཇལ་ཟིན་ཅེས་ཡོད། སྒོ་ལ་བརྡུངས་ཏེ་སྐད་རྒྱབ་ཏོང་། དེ་ནས་ནང་ལས་སྒོ་ཁ་འབྱེད་ཅེས་ཡོད། ༨ ཅི་ལས་སྨྲ་ན། སློང་མཁན་དེ་ལ་འབྱོར་མཁན། འཚོལ་མཁན་དེ་གིས་མཇལ་ཟིན་མཁན། སྒོ་ལ་བརྡུངས་ཏེ་སྐད་རྒྱབ་མཁན་དེ་ལ་ནང་ལས་སྒོ་ཁ་འབྱེད་ཅེས་ཡོད། ༩ ཁྱེད་ཀྱི་ནང་ལ་འདི་ཅོག་འདྲ་བྱེད་མཁན་གྱི་ཨ་ཕ་ཡང་ཡོད་པ། བུས་འཁུར་བ་སློང་མཁན་གང་ལ་ཨ་ཕས་རྡོ་སྟེར་འགྲོ། ༡༠ ཉ་སློང་མཁན་གང་ལ་སྦྲུལ་སྟེར་འགྲོ། ༡༡ འོ་སོང་བས་ཁྱེད་མི་ངན་པ་ཡིན་ཏེ་ཡང་རང་གི་བུ་བུ་མོ་ལ་བྱད་ལག་ཡག་པོ་ཡ་སྟེར་ཤེས་ཏེ་འགབ་ལས་ནི་ད་རུང་ནམ་མཁའ་ལ་སྡོད་མཁན་གྱི་ཁྱེད་ཀྱི་ཨ་ཕས་རང་མཉམ་པོ་སློང་མཁན་དེ་ལ་བྱད་ལག་ཡག་པོ་ཡ་སྟེར་རང་སྟེར་ཅེས་ཡོད། སྨྲས་ཏེ་ཡེ་ཤུས་སྨྲ་ཟིན།།
༡༢ མི་ཡ་གིས་ཁྱེད་ལ་འདི་ཅོག་འདྲའི་སྤྱོད་གཤིས་བྱས་སྟེར་ན་འོང་ཅེས་ཡོད་མཁན་སྨྲས་ཏེ་སེམས་ལ་གནས་མཁན་ཅོག་འདྲ་(བསམ་བློ་གཏོང་མཁན་ཅོག་འདྲ་)ཁྱེད་ཀྱིས་ཀྱང་ཁོང་ལ་འོ་ཅོག་འདྲ་བྱས་སྟེར། ཅི་ལས་སྨྲ་ན་འདི་རང་མོ་ཤེའི་བཀའ་ཁྲིམས་དང་ཨལ་ལོ་ཧིམ་གྱི་སྐད་ཆ་ཤོད་མཁན་ཡ་གིས་བྲིས་བཞག་པའི་སྐད་ཆ་ཡིན་པ།།
སྒོ་ཆད་མ་དང་སྒོ་ཆེན་པོ།
༡༣ ༼དེ་ནས་གཉིས་པར་ཡེ་ཤུས་སྨྲ་ཟིན།༽ སྒོ་ཆད་མ་ལས་ནང་ལ་འཇུག་དོང་། ཅི་ལས་སྨྲ་ན། སྒོ་ཆེན་པོ་དང་ལམ་ལྷོད་བདེ་ལས་འགྲོ་ན་དམྱལ་བ་ལ་སླེབ་ཅེས་ཡོད། འོ་ལམ་ལས་མི་མང་པོ་འགྲོ་འོ་ཡོད་པ། ༡༤ ཚེ་མཐའ་མེད་པ་ལ་སླེབ་མཁན་གྱི་སྒོ་ནི་ཆད་མ་ཡོད་པ། འོ་ལ་འགྲོ་མཁན་གྱི་ལམ་ལྷོད་བདེ་མི་འོང་མཁན། འོ་ལམ་མཇལ་ཟིན་མཁན་གྱི་མི་ནི་སུད་པ་ཡོད་པ། སྨྲས་ཏེ་ཡེ་ཤུས་སྨྲ་ཟིན།།
མི་ལ་ཁོའི་ལས་ལམ་ལས་ངོ་ཤེས་ཁུག་མཁན།
༡༥ ༼དེ་ནས་གཉིས་པར་ཡེ་ཤུས་སྨྲ་ཟིན།༽ རྫུན་རྒྱབ་མཁན་གྱི་སྐད་ཆ་ཤོད་མཁན་ཡ་ལས་འཛེམ་པར་བྱེད་ཏོང་། ཁོང་ལུག་གི་སྤྱོད་གཤིས་བྱས་ཏེ་སླེབ་འོང་མཁན། སེམས་ནང་ལ་ནི་ཁོང་ཨ་རྒྱབ་མཁན་གྱི་སྤྱང་ཀུ་ཅོག་འདྲ་ཡིན་པ། ༡༦ ཁྱེད་ཀྱིས་ཁོང་ལ་ཁོང་གིས་བྱས་པའི་ལས་ལམ་ལས་ངོ་ཤེས་ཅེས་ཡོད། ཚེར་མའི་སྡོང་པོ་ལ་རྒུན་འབྲུམ་མི་འོང་མཁན་ཨ་ལེ། སྤྱང་ཚེར་གྱི་སྡོང་པོ་ལ་ཡང་སེ་ཡབ་མི་འོང་མཁན། ༼སེ་ཡབ་ཡིས་ར་ཨལ་གྱི་ཤིང་ཐོག་ཡིན།༽ ༡༧ རྩ་བ་ཡག་པོའི་སྡོང་པོ་ལ་ཤིང་ཐོག་ཡག་པོ་འོང་མཁན། རྩ་བ་བཙོག་པའི་སྡོང་པོ་ལ་ནི་ཤིང་ཐོག་བཙོག་པ་འོང་མཁན། ༡༨ གཉིས་པར། རྩ་བ་ཡག་པོའི་སྡོང་པོ་ལ་ཤིང་ཐོག་བཙོག་པ་ཡ་འོང་མི་ཁུག་མཁན། འདི་ཅོག་འདྲ་རྩ་བ་བཙོག་པའི་སྡོང་པོ་ལ་ཡང་ཤིང་ཐོག་ཡག་པོ་ཡ་འོང་མི་ཁུག་མཁན། ༡༩ ཤིང་ཐོག་ཡག་པོ་མི་འོང་མཁན་གྱི་སྡོང་པོ་ནི་གང་ཡོད་མཁན་དེ་གཏུབས་ཏེ་མེ་ལ་དབྱུགས་རྫོང་མཁན། ༢༠ འདི་ཅོག་འདྲ་བྱས་ཏེ་ལོན་རྫུན་རྒྱབ་མཁན་གྱི་མི་ལ་ཡང་ཁྱེད་ཀྱིས་ཁོང་གིས་བྱས་པའི་ལས་ལམ་ལས་ངོ་ཤེས་ཅེས་ཡོད།།
༢༡ དེ་ནས་ང་ལ། དཔོན་པོ། དཔོན་པོ། སྨྲ་མཁན་གྱི་མི་གང་པོ་ནམ་མཁའི་རྒྱལ་སྲིད་ལ་འཇུག་མྱོང་ཅེས་མེད། ནམ་མཁའ་ལ་སྡོད་མཁན་གྱི་ངའི་ཨ་ཕ་ལ་ཡག་པོ་གནས་མཁན་གྱི་ལས་ཀ་བྱེད་མཁན་ཡ་གཅིག་རང་འཇུག་མྱོང་ཅེས་ཡོད། ༢༢ འོ་ཉི་མ་ནི་མི་མང་པོས་ང་ལ་འདི་ཅོག་འདྲ་སྨྲ་ཅེས་ཡོད། དཔོན་པོ། དཔོན་པོ། ཁྱོད་ཀྱི་མིང་ལ་ངེད་ཀྱིས་ཁྱོད་ལས་མ་འོངས་པའི་རྐྱེན་གྱི་རིག་པ་འབྱོར་ཏེ་ལོན་མ་བཤད་པས། ཁྱོད་ཀྱི་མིང་ལ་ངེད་ཀྱིས་འདྲེ་ཡ་ལ་མ་བཏོན་པས། ཁྱོད་ཀྱི་མིང་བཏོན་ཏེ་ངེད་ཀྱིས་ལས་ཀ་ཡ་མཚན་པ་ཡ་མ་བྱས་པས། སྨྲས་ཏེ་སྨྲ་ཅེས་ཡོད། ༢༣ འོ་ཙམ་ལ་ངས་ཁོང་ལ་སྨྲ་ཅེས་ཡོད། ཨེ་ལས་ཀ་ངན་པ་བྱེད་མཁན་ཡ། ངས་ནི་ཁྱེད་ལ་ནམ་ཡང་ངོ་མ་ཤེས། འདི་ལས་ཐོན་ཏེ་སོང་།།
རིག་པ་མཁས་པ་དང་རིག་པ་མེད་པའི་མི་གཉིས་ཀྱི་གཏམ་དཔེ།
༢༤ ༼དེ་ནས་གཉིས་པར་ཡེ་ཤུས་སྨྲ་ཟིན།༽ ངས་སྨྲས་པའི་སྐད་ཆ་ཐོས་ཏེ་ཉན་མཁན་དེ་ནི་རིག་པ་མཁས་པའི་མི་ཅོག་འདྲ་ཡིན་པ། རིག་པ་མཁས་པའི་མི་གཅིག་གིས་༼གཏིང་རིང་པོ་བརྐོས་ཏེ་༽རྡོ་བྲག་གི་ཁ་ལ་རྨང་བཏིང་སྟེ་ཁང་པ་བཟོ་ཟིན། ༢༥ དེ་ནས་ཆར་པ་བརྒྱབ་སྟེ་ཆུ་ལོག་འོངས་ཏེ་ལྷགས་པ་རླུང་བསེབ་འོ་ཁང་པ་ལ་འཕོག་ཟིན། ཡིན་ནས་འོ་ཁང་པ་མ་བརྡབས། (མ་བརྡིབས།) ཅི་ལས་སྨྲ་ན་རྡོ་བྲག་གི་ཁ་ལ་བཟོ་ཟིན།།
༢༦ ཡིན་ནས་ངས་སྨྲས་པའི་སྐད་ཆ་ཐོས་ཏེ་མི་ཉན་མཁན་དེ་ནི་རིག་པ་མེད་པའི་མི་ཅོག་འདྲ་ཡིན་པ། རིག་པ་མེད་པའི་མི་གཅིག་གིས་བྱེ་མའི་ཐོག་ལ་ཁང་པ་བཟོ་ཟིན། ༢༧ དེ་ནས་ཆར་པ་བརྒྱབ་སྟེ་ཆུ་ལོག་འོངས་ཏེ་ལྷགས་པ་རླུང་བསེབ་འོ་ཁང་པ་ལ་འཕོག་ཟིན། དེ་ནས་འོ་ཁང་པ་བརྡབས་ཏེ་(བརྡིབས་ཏེ་)རྦད་འཐོར་ཁ་འཐོར་འགྲོ་ཟིན། སྨྲས་ཏེ་ཡེ་ཤུས་སྨྲ་ཟིན།།
༢༨ དེ་ནས་ཡེ་ཤུས་འདི་སྐད་ཆ་ཡ་སྨྲས་ཚར་ཏེ་འགབ་ལས་ཉན་མཁན་གྱི་མི་ཡ་འཇིགས་པོར་ཧ་ལས་ཟིན། ༢༩ ཅི་ལས་སྨྲ་ན། བཀའ་ཁྲིམས་ཀྱི་སློབ་དཔོན་ཡ་གིས་ཅོག་འདྲ་མིན་པ། ཡེ་ཤུས་ནི་དབང་ཆ་ཆེན་པོ་བྱས་ཏེ་ཁྲིད་འདེབས་ཀོ་ཡོད་མཁན།། །། (ཡེ་ཤུས་ནི་དབང་ཆ་ཆེན་པོ་བྱས་ཏེ་སློབ་ཀོ་ཡོད་མཁན།། །།)
